Bizkaiko Foru Aldundiak astelehenean ekin zien Begoña/Vecvnia proiektuaren indusketa arkeologikoaren aurreko egokitzapen-lanei. Lehenengo fase hau hegoaldeko nabean zentratuko da, basilikako altzariak babestuta, koadroak eta irudiak barne, espazio hau mugatuko duen itxitura eraikitzen hasi aurretik.
Goizean hasi ziren indusketaren aurreko lanak, Begoñan. Jarduerak hegoaldeko nabean kontzentratuko dira, eta azaroaren hasieran itxiko da. Maila arkeologikoen indusketa hilabete horren erdialdean hasiko da.
Proiektuaren izaera ireki eta dibulgatzailearen arabera, itxitura egurrezko egitura arina izango da, eta informazio-gune gisa ere funtzionatuko du. Bertako leihoek eta behaketa-puntuek aukera emango diete basilika bisitatzen dutenei ikerketa arkeologikoaren aurrerapena gertutik jarraitzeko.
Behin itxitura jarrita, Begoñako basilikako lurzoruko lehen geruzak kenduko dira: egungo oholtza eta oinarri-geruza.
Azaroaren erdialdean hasiko dira arkeologia-maila interesgarriak induskatzen, tenpluaren aurreko faseak hobeto ezagutzeko.
ITURRIA: BIZKELIZA
