Birjinaren historia • BEGOÑAko Basilika

Begoñako Ama Birjinaren irudia XIII. eta XIV. mendeetako tailu erromantiko-gotikoa da. Egur polikromatuzkoa da eta 117 zm-ko altuera du.

Irudia XIV. mendearen hasieratik zegoen Artagan muinoko ermita txiki batean. Garai hartako Bizkaiko Jauna, Diego Lopez de Haro Jauna edo haren aurreko batzuk izan zitezkeen irudia dohaintzan eman zutenak.

Amatxuren tailua

Irudi hau dala-ta Aita Lizarraldek ondorengo hau idatzi eban 1932. urtean:

“XIV. mendeko irudigintza-lan ederra da, Jaurerriko beste irudi batzuen garaikidea eta bikia, baina apainduraz ederrena eta aberatsena da eta baita debozino gehien jasotzen dauana; denporaren araberako ahizpa nagusien edo txikien ordezkaria izan da Andra Mariaren ikastaro ikonologikoen nazioko lehiaketetan”.

Amatxu munduan

Begoñako Ama Birjinaren aldeko tradizioa, fedea eta debozioa Bizkaiko mugetatik haratago doa eta mundu osoan zehar hedatzen da. Gure Amatxuren presentzia herri eta hirietara eraman dute bizkaitarrek, Ama Birjinaren ama-babesa mantendu nahi zutelako.

Hauek dira Begoñako Amatxu dagoen leku ugarietako batzuk: